Description
English below
Salsa Foundation
Sóló salsa fyrir konur
Sjö vikna námskeið | Mánudagar kl. 19:20Frá 7. september – 19. október
Lærðu að dansa salsa í frábærum hópi kvenna!
Á þessu sjö vikna námskeiði byggjum við upp sterkan grunn í salsa með áherslu á grunnspor, musicality, líkamsbeitingu, snúningstækni, samhæfingu og skemmtilegar rútínur. Við kynnumst einnig menningunni á bak við dansinn og sækjum innblástur í aðra latín dansstíla.
Námskeiðið hentar bæði byrjendum og þeim sem vilja styrkja grunninn sinn í jákvæðu og hvetjandi umhverfi. Að loknu námskeiði verður boðið upp á framhaldsnámskeið fyrir þá sem vilja halda áfram.
Rebekka Levin hefur dansað salsa síðan árið 2013 og kennt salsa frá árinu 2017. Hún hefur kennt bæði para- og sóló salsa og leggur ríka áherslu á að miðla ekki aðeins dansinum heldur einnig menningunni sem hann sprettur úr.
Rebekka hefur búið víðs vegar um Mið-Ameríku, meðal annars á Kúbu, upprunalandi salsa, þar sem hún sökkti sér í tónlistina, dansinn og menninguna. Í dag sérhæfir hún sig í að leiða fjölbreytta kvennahópa í gegnum salsa og musicality með áherslu á sjálfstraust, sköpunarkraft, líkamsvitund og gleði. Markmið hennar er að skapa öruggt og skemmtilegt rými þar sem konur geta lært, vaxið og notið þess að dansa.
