Gæsanir & hópefli

Vinadanstímar, hópefli fyrirtækja, kórpartý, fjölskyldutími, gæsa- og steggjapartý… og öll hin partýin! Við bjóðum upp á fjölbreytta sértíma fyrir hópa á föstudögum, laugardögum og virka daga þegar það eru ekki námskeið í gangi í húsinu. Við bjóðum upp á fullkomna leið til að hrista hópinn saman, bokstaflega!

Kramhúsið er í miðbænum í nálægð við menningu, mannlíf, vín- og veitingastaði. 

Í Kramhúsinu eru tveir salir. Efri salurinn er rúmgóður og honum fylgir búningsklefi og gufa auk aðstöðu á útipallinum að tíma loknum. Neðri salurinn er minni og heldur vel utan um hópinn en honum fylgir takmörkuð aðstaða. Ef hópurinn er mjög stór er hægt að skipta honum í tvennt og hóparnir sýna hvor öðrum afraksturinn. 

Við getum einnig sent kennara til ykkar í partýið eða á vinnustaðinn, og vinsælt hefur verið að fá kennara frá okkur til að koma dansgólfi af stað á árshátíðum og brúðkaupum. 

Tímar í boði

Afró, Afrobeat, Beyoncé, Britney, Bollywood, Broadway, Bugsy Malone, burlesque, Charleston+1920s, Chicago, dancehall, drag extravaganza, diskó, Eurovision, Flashdance, hefðbundið leikjahópefli, hip hop, húlla, jóga, klappstýrufjör, Lady Gaga, leiklistar- og spunahópefli, Lizzo, Madonna, magadans, Magic Mike, Moulin Rouge, Rocky Horror, Sensual Fusion, Shakira, Spice Girls, stelpubönd, strákabönd,  Tik Tok-dansar, Tina Turner, Twerk Special, Vogue, 80s, 90s, 00s… og við getum einnig sett okkur inn í sérstakan stíl ef hann er í uppáhaldi hjá hópnum. Kennararnir okkar búa yfir fjölbreyttri reynslu þetta eru bara dæmi um tíma sem við getum boðið upp á.

Ef þú ert í vafa um hvað myndi henta þínum hópi þá er hér próf sem getur hjálpað þér að glöggva þig á hvað gæti hentað hópnum þínum

Sendu okkur fyrirspurn

Hafðu samband í gegnum þetta form og við svörum eins fljótt og hægt er, en yfir sumartímann getur það tekið allt að sólarhring. Ef fyrirvarinn er stuttur getur verið að við hringjum. Vinsamlega athugið að þetta er ekki bókun, bara fyrirspurn. Eingöngu er beðið um upplýsingar um greiðanda á þessu stigi til að spara tíma og flækjur seinna meir. 

 

Með því að senda okkur fyrirspurn samþykkir þú eftirfarandi skilmála:

Eftir að danstími hefur verið staðfestur af hálfu Kramhússins (sem gerist seinna í samskiptaferlinu) krefjumst við þess að ef hætta þarf við að það sé gert með meira en tveggja vikna fyrirvara eða 10 virkra daga. Húsið er afar umsetið sem og kennararnir okkar. Hins vegar erum við afar liðlegar ef þarf að færa eða fresta, en ef það þarf að hætta við með stuttum fyrirvara neyðumst við til að rukka fullt verð.

Ef tími er færður/frestað/flýtt getur verið að óskakennari sé ekki laus.  

Ef hópur er seinn í tímann sem hann bókaði klippist af tímanum. T.d. ef tími er bókaður kl. 14-15 og hópur mætir kl. 14:15 er tíminn til kl. 15. Ef vitað er með fyrirvara að plön er kannski hægt að færa tíma til  að því gefnu að kennari og hús séu ekki bókuð á nýjum tíma. Yfirleitt er þetta ekki hægt samdægurs.

Við biðjum um að fólk sýni kurteisi gagnvart kennara og starfsfólki hússins. Við biðjum einnig um að áfengisneyslu sé haldið réttum megin við strikið. Ef gengið er fram af kennara eða starfsfólki hafa þau fullt leyfi til að enda tímann án þess að nokkur endurgreiðsla eigi sér stað.

 

umsagnir

Við vorum tíu manna steggjahópur sem mætti á Magic Mike danskennslu í Kramhúsinu og við skemmtum okkur hreinlega konunglega. Dansinn reyndist eftir á vera það mest ómissandi við okkar dagskrá þennan daginn því þetta hristi hópinn svo mikið saman. Við vorum nokkrir vel feimnir í upphafi tímans sem urðum talsvert hressari og opnari eftir að við vorum dregnir, með ást, út úr skelinni. Svo skemmir ekki fyrir að maður lærir raunverulega nokkra takta sem munu koma manni gríðarlega vel á dansgólfinu. Dagskráin hennar Möggu rammaði inn daginn og þetta er klárlega eitthvað sem enginn hópur ætti að láta framhjá sér fara.
Oddur Ævar Gunnarsson
Við vorum gæsahópur sem þekktist ekki mikið en völdum Burlesque í Kramhúsinu og þvilikt sem það var góð ákvörðun. Við frelsandi dansinn leystist úr læðingi innri tjáningarkraftur sem sýndi okkur í fegurstu mynd. Það myndaðist sameining í því að fagna kynverum í öllu formi! Mæli eindregið með frábærri upplifun!
Jóhanna Ella og fylgigæsir
Ekkert fær konu jafn mikið til að geisla af kynorku og komast í snertingu við sína innri valkyrju og að sveifla til mjöðmunum við femínískan fagurgalann hennar Beyoncé. Gæsunarföruneytið mitt samanstóð af all skonar fólki og Margrét kennari átti ekki í neinum vandræðum með fá okkur öll til að skríða twerkandi um gólfið; bæði mæður og bræður, vini og vinkonur. Ég kann ekki lengur sporin, en ég man ennþá hvernig við gengum himinlifandi út úr Kramhúsinu eftir þennan kynngimagnaða tíma!
Inga Auðbjörg Straumland
Ég skipulagði óvissuferð fyrir starfsfólk og hluti af því var að fara í magadans í Kramhúsinu. Frábær stemmning, mikið stuð, lærdómsríkt og hristi hópinn saman! Mæli hiklaust með þessu!
Hávarr Hermóðsson
Eftir að hafa farið til Margrétar Erlu sjálf um árið þegar ég var gæsuð og nú nýlega aftur í burlesque-tíma í annarri gæsun – þá er ég star-struck. Það er svo miklu meira en bara jákvæð líkamsímynd sem hún smitar mann af í kennslunni, heldur er líka unun að verða vitni af heilbrigðu sjálfstrausti, kynþokka og yfirvegun. Styrkurinn og fagmennskan nær langt fram yfir fingurgóma og hárlokka og það er ótrúlega mikið lagt í eina svona kennslustund, sem er aðlöguð að hverjum hópi. Frábær, frábær, frábær!
Guðrún Inga Torfadóttir, gæs og gæsandi
Previous
Next

kennarar

Berglind Jónsdóttir elskar nostalgíska svísutónlist. Hún er jazzballetgella sem hefur einstakt lag á að smíða aðgengilega stuðtíma. Berglind er sérfræðingur okkar í Britney, Spice Girls, Eurovision og almennri nostalgíu.

Íris Stefanía hefur æft og kennt magadans í bráðum 20 ár. Hún leggur áherslu á allt sem tengist unaði, valdeflingu og gleði. Hún er líka spunakerling og sirkusgrúskari og hefur séð um alls kyns hópefli þar sem leikgleði, spuni, sirkus- og traustæfingar eru í aðalhlutverki.

Kristín Bergs kennir Afró, jóga og Afró&jóga blöndu. Hún er einnig mjög góð í að dansa samba!

Margrét Erla Maack er þekkt fyrir fyndnar útskýringar á danssporum. Hún les vel í hópa og er deildarstjóri rassahristideildar Kramhússins. Hún kennir mestmegnis Burlesque og Beyoncé í gæsunum, en hefur yfir 30 mismunandi stíla í rassvasanum, frá magadansi til Magic Mike.

Nadia Semichat byrjaði að kenna magadans hjá okkur en er ein af fjölmörgum Beyoncé- og skvísudanskennurum hússins. Hún smíðaði hið vinsæla námskeið Hips Don’t Lie sem blandar saman magadansi, suður-amerískum dönsum, afró, hip hop og fleiru. 

Róberta Michelle Hall er húllaskvísan okkar. Hún kennir ótrúlega skemmtilega húllatíma en kennir einnig burlesque, Beyoncé, skvísudansa ýmiskonar og diskó.

Sandra Sano Erlingsdóttir er jörðin í kennarahópnum. Afró er hennar sérgrein sem og hin fjölbreytta flóra hip hopsins. 

Sigríður Ásgeirsdóttir er með ofnæmi fyrir lélegri tónlist. Tímar Siggu eru heitir, sveittir og sexí. Dansstílar samtíma-poppdrottninga eru sérgrein Siggu og hún hjálpar hópnum að finna sensjúal sjálfið.