Nánari lýsing
Dans, tónlist og skapandi leikir fyrir þriggja ára börn með foreldri.
Guðbjörg Arnardóttir hefur séð um þessi námskeið og haldið utan um yngstu Kramverjana til margra ára. Hún hefur mikla reynslu og miðlar því vel og fallega. Í vetur munu Anna Hera og Ása Valgerður bætast í kennarahópinn og taka þátt í leikgleðinni. Kennararnir þrír sjá um mismunandi hluta námskeiðsins og verður hver með sínar áherslur í tónlist og hreyfingu.
Guðbjörg hefur sérhæft sig í dansi og skapandi hreyfingu og notar leiki til að miðla til barnanna. Anna Hera notast við svipaðar aðferir en leggur sérstaka áherslu á samvinnu barns og foreldris (ContaKids tækni) þegar það á við. Ása Valgerður er menntaður tónlistarkennari og kórstjóri, með mikla reynslu á þeim sviðum og mun leggja áherslu á söng, hreyfingu og taktþjálfun.
Kennt á laugardögum frá klukkan 9:45 til 10:30 – Aðeins eitt foreldri fylgir hverju barni og takmarkaður fjöldi kemst að hverju sinni.
Hvert námskeið stendur í 6 vikur og tvö tímabil eru í boði á haustönn. Oft er gott að taka nokkur námskeið með barninu áður en það fer í sjálfstæða hópinn og sendir sína forráðaaðila í kaffi með þau leika sér.
Fyrsti tíminn verður laugardaginn 10.september og tímabilinu lýkur 15.október.