INNSKRÁNING

Kynveran | mánudaga kl.21:15 | 12.sept - 30.okt, 8 vikur

KYNVERAN – Kveiktu á kynorkunni. Námskeiðið er fyrir allar konur sem vilja stækka og dýpka tengslin við sig sjálfar.

Umsjón: Íris Stefanía Skúladóttir

Kennt í lokuðum hópi –  hámark 12 þátttakendur á námskeiðinu.

Um er að ræða 8. vikna námskeið frá  12. september til og með 31. október og eru tímarnir á mánudögum kl. 21:15-22:15

26.800 kr.

In stock

Nánari lýsing

KYNVERAN – kveiktu á kynorkunni 

Námskeiðið leggur áherslu á að kveikja á okkar innri kynveru með dansi, öndunaræfingum, hristingi, hreyfiflæði, teygjum og góðu og gefandi samtali um sjálfsást, sjálfsfróun og sjálfsmynd. Við leggjum áherslu á unað og allt það góða með það að markmiði að stækka sem manneskjur og elska okkur meira.

Námskeiðið er fyrir allar konur. Ungar sem aldnar, óléttar, nýbakaðar mæður, transkonur, konur á breytingaskeiðinu, konur sem eru búnar á breytingaskeiðinu, stórar konur og litlar konur, fyndnar konur og alvarlegar konur. Allar konur, svo lengi sem þær vilja stækka og dýpka tengslin við sig sjálfar.

Hver tími er með ákveðið þema en í öllum tímum er farið í “check in”, öndun, dans/hreyfiflæði, leiki/æfingar, samtal/fræðslu, slökun/teygjur. Nema í tímanum með gestakennara, sá tími verður helgaður “show and tell” þar sem við förum í anatómíu píkunnar og fræðumst um sjálfsfróun.

Kennari er Íris Stefanía Skúladóttir sviðslistakona sem hefur unnið með líkama og líf kvenna í verkum sínum. Hún leggur áherslu á unað, tabú, skömm og þrár. Ákvörðunarréttur kvenna til að gera það sem þær vilja með líkama sinn og líf sitt hefur verið útgangspunkturinn í verkum Írisar. Hún hefur meðal annars safnað og gefið út sjálfsfróunarsögur kvenna og haldið söguhringi þar sem sögur sem tengjast efninu eru sagðar. Gert útvarpsleikhúsverk um eldri konur og rétt þeirra til að vera kynverur, verk um konur sem kjósa að eignast ekki börn og verk um náttúruhneigð. Íris kennir magadans, meðgöngumagadans og leiklist.


Gestakennari er Rósa María Óskarsdóttir sem er menntuð í Bodysex ®️ aðferðum Dr. Betty Dodson. Tilgangur Bodysex ®️ er að leiðbeina og styðja konur í að tengjast líkamanum sínum og fullnægingum til að heila skömm, auka unað og sjálfsást og hefur Betty verið kölluð móðir sjálfsfróunarinnar.

 

Áherslur – ATH, yfirferð á námskeiðinu fer eftir flæði hópsins og getur því breyst.

  1. Sjálfsást: að staldra við / þú ert nóg / að mæta sér með mildi (kynning á námskeiði)

  2. Sjálfsást:  að veita sér leyfi / að setja mörk / hvað vil ég / þakklæti

  3. Líkaminn: Litlu hlutirnir / að vekja skynfærin / unaður í hversdeginum / að elska sig

  4. Sjálfsfróun: Anatómían (sýnikennsla), aðferðir – gestakennari (Rósa María)

  5. Sjálfsfróun: Deilihringur / reynslusögur

  6. Að leika sér / tengjumst barninu í okkur

  7. I’m sexy and I know it / valdefling / rödd

  8. I’m sexy and I know it, framhald

Viðbótarupplýsingar

Greiðslur

1 greiðsla, 2 greiðslur

ÖNNUR NÁMSKEIÐ

Táp & fjör - danstímar fyrir herra

Britney style - Millenníur

Djúsí Mini retreat - Jóga, dans og tónheilun

Grænt Kort